Bibles in ancient languages
Old translations
Modern translations

Biblia Hebraica Stuttgartiensia Ecclesiastes 9

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
כִּ֣י אֶת־כָּל־זֶ֞ה נָתַ֤תִּי אֶל־לִבִּי֙ וְלָב֣וּר אֶת־כָּל־זֶ֔ה אֲשֶׁ֨ר הַצַּדִּיקִ֧ים וְהַחֲכָמִ֛ים וַעֲבָדֵיהֶ֖ם בְּיַ֣ד הָאֱלֹהִ֑ים גַּֽם־אַהֲבָ֣ה גַם־שִׂנְאָ֗ה אֵ֤ין יֹודֵ֨עַ֙ הָֽאָדָ֔ם הַכֹּ֖ל לִפְנֵיהֶֽם׃

ki֣̇y ʼeţ־ká̇l־ze֞h náţa֤ţi̇y ʼel־libi̇y֙ wĕláb֣ẇr ʼeţ־ká̇l־ze֔h ʼàşě֨r haẕȧdi̇yqi֧ym wĕhaẖàkámi֛ym waʻàbádéyhe֖m bĕ̇ya֣d háʼèlòhi֑ym gȧֽm־ʼahàbá֣h gam־şînĕʼá֗h ʼé֤yn yòwdé֨ʻa֙ háֽʼádá֔m hakò֖̇l lipĕnéyheֽm׃

2
הַכֹּ֞ל כַּאֲשֶׁ֣ר לַכֹּ֗ל מִקְרֶ֨ה אֶחָ֜ד לַצַּדִּ֤יק וְלָרָשָׁע֙ לַטֹּוב֙ וְלַטָּהֹ֣ור וְלַטָּמֵ֔א וְלַזֹּבֵ֔חַ וְלַאֲשֶׁ֖ר אֵינֶ֣נּוּ זֹבֵ֑חַ כַּטֹּוב֙ כַּֽחֹטֶ֔א הַנִּשְׁבָּ֕ע כַּאֲשֶׁ֖ר שְׁבוּעָ֥ה יָרֵֽא׃

hakò̇֞l kȧʼàşě֣r lakò̇֗l miqĕre֨h ʼeẖá֜d laẕȧdi֤̇yq wĕláráşá̌ʻ֙ latò̇wb֙ wĕlatá̇hò֣wr wĕlatá̇mé֔ʼ wĕlazò̇bé֔ẖa wĕlaʼàşě֖r ʼéyne֣ṅẇ zòbé֑ẖa kȧtò̇wb֙ kȧֽẖòte֔ʼ hani̇şĕ̌bá̇֕ʻ kȧʼàşě֖r şĕ̌bẇʻá֥h yáréֽʼ׃

3
זֶ֣ה׀ רָ֗ע בְּכֹ֤ל אֲשֶֽׁר־נַעֲשָׂה֙ תַּ֣חַת הַשֶּׁ֔מֶשׁ כִּֽי־מִקְרֶ֥ה אֶחָ֖ד לַכֹּ֑ל וְגַ֣ם לֵ֣ב בְּֽנֵי־הָ֠אָדָם מָלֵא־רָ֨ע וְהֹולֵלֹ֤ות בִּלְבָבָם֙ בְּחַיֵּיהֶ֔ם וְאַחֲרָ֖יו אֶל־הַמֵּתִֽים׃

ze֣h׀ rá֗ʻ bĕ̇kò֤l ʼàşěֽr־naʻàşá̂h֙ ţȧ֣ẖaţ haşė̌֔meş̌ kiֽ̇y־miqĕre֥h ʼeẖá֖d lakò֑̇l wĕga֣m lé֣b bĕֽ̇néy־há֠ʼádám máléʼ־rá֨ʻ wĕhòwlélò֤wţ bi̇lĕbábám֙ bĕ̇ẖayé̇yhe֔m wĕʼaẖàrá֖yw ʼel־hamé̇ţiֽym׃

4
כִּי־מִי֙ אֲשֶׁ֣ר יִבָּחֵר אֶ֥ל כָּל־הַחַיִּ֖ים יֵ֣שׁ בִּטָּחֹ֑ון כִּֽי־לְכֶ֤לֶב חַי֙ ה֣וּא טֹ֔וב מִן־הָאַרְיֵ֖ה הַמֵּֽת׃

ki̇y־miy֙ ʼàşě֣r yibá̇ẖér ʼe֥l ká̇l־haẖayi֖̇ym yé֣ş̌ bi̇tá̇ẖò֑wn kiֽ̇y־lĕke֤leb ẖay֙ h֣ẇʼ tò֔wb min־háʼarĕyé֖h haméֽ̇ţ׃

5
כִּ֧י הַֽחַיִּ֛ים יֹודְעִ֖ים שֶׁיָּמֻ֑תוּ וְהַמֵּתִ֞ים אֵינָ֧ם יֹודְעִ֣ים מְא֗וּמָה וְאֵֽין־עֹ֤וד לָהֶם֙ שָׂכָ֔ר כִּ֥י נִשְׁכַּ֖ח זִכְרָֽם׃

ki֧̇y haֽẖayi֛̇ym yòwdĕʻi֖ym şěyá̇mu֑ţẇ wĕhamé̇ţi֞ym ʼéyná֧m yòwdĕʻi֣ym mĕʼ֗ẇmáh wĕʼéֽyn־ʻò֤wd láhem֙ şá̂ká֔r ki֥̇y nişĕ̌kȧ֖ẖ zikĕráֽm׃

6
גַּ֣ם אַהֲבָתָ֧ם גַּם־שִׂנְאָתָ֛ם גַּם־קִנְאָתָ֖ם כְּבָ֣ר אָבָ֑דָה וְחֵ֨לֶק אֵין־לָהֶ֥ם עֹוד֙ לְעֹולָ֔ם בְּכֹ֥ל אֲשֶֽׁר־נַעֲשָׂ֖ה תַּ֥חַת הַשָּֽׁמֶשׁ׃

gȧ֣m ʼahàbáţá֧m gȧm־şînĕʼáţá֛m gȧm־qinĕʼáţá֖m kĕ̇bá֣r ʼábá֑dáh wĕẖé֨leq ʼéyn־láhe֥m ʻòwd֙ lĕʻòwlá֔m bĕ̇kò֥l ʼàşěֽr־naʻàşá֖̂h ţȧ֥ẖaţ haşáֽ̇̌meş̌׃

7
לֵ֣ךְ אֱכֹ֤ל בְּשִׂמְחָה֙ לַחְמֶ֔ךָ וּֽשֲׁתֵ֥ה בְלֶב־טֹ֖וב יֵינֶ֑ךָ כִּ֣י כְבָ֔ר רָצָ֥ה הָאֱלֹהִ֖ים אֶֽת־מַעֲשֶֽׂיךָ׃

lé֣kĕ ʼèkò֤l bĕ̇şîmĕẖáh֙ laẖĕme֔ká ẇֽşà̌ţé֥h bĕleb־tò֖wb yéyne֑ká ki֣̇y kĕbá֔r ráẕá֥h háʼèlòhi֖ym ʼeֽţ־maʻàşêֽyká׃

8
בְּכָל־עֵ֕ת יִהְי֥וּ בְגָדֶ֖יךָ לְבָנִ֑ים וְשֶׁ֖מֶן עַל־רֹאשְׁךָ֥ אַל־יֶחְסָֽר׃

bĕ̇kál־ʻé֕ţ yihĕy֥ẇ bĕgáde֖yká lĕbáni֑ym wĕşě֖men ʻal־ròʼşĕ̌ká֥ ʼal־yeẖĕsáֽr׃

9
רְאֵ֨ה חַיִּ֜ים עִם־אִשָּׁ֣ה אֲשֶׁר־אָהַ֗בְתָּ כָּל־יְמֵי֙ חַיֵּ֣י הֶבְלֶ֔ךָ אֲשֶׁ֤ר נָֽתַן־לְךָ֙ תַּ֣חַת הַשֶּׁ֔מֶשׁ כֹּ֖ל יְמֵ֣י הֶבְלֶ֑ךָ כִּ֣י ה֤וּא חֶלְקְךָ֙ בַּֽחַיִּ֔ים וּבַעֲמָ֣לְךָ֔ אֲשֶׁר־אַתָּ֥ה עָמֵ֖ל תַּ֥חַת הַשָּֽׁמֶשׁ׃

rĕʼé֨h ẖayi̇֜ym ʻim־ʼişá֣̇̌h ʼàşěr־ʼáha֗bĕţá̇ ká̇l־yĕméy֙ ẖayé֣̇y hebĕle֔ká ʼàşě֤r náֽţan־lĕká֙ ţȧ֣ẖaţ haşė̌֔meş̌ kò֖̇l yĕmé֣y hebĕle֑ká ki֣̇y h֤ẇʼ ẖelĕqĕká֙ bȧֽẖayi̇֔ym ẇbaʻàmá֣lĕká֔ ʼàşěr־ʼaţá֥̇h ʻámé֖l ţȧ֥ẖaţ haşáֽ̇̌meş̌׃

10
כֹּ֠ל אֲשֶׁ֨ר תִּמְצָ֧א יָֽדְךָ֛ לַעֲשֹׂ֥ות בְּכֹחֲךָ֖ עֲשֵׂ֑ה כִּי֩ אֵ֨ין מַעֲשֶׂ֤ה וְחֶשְׁבֹּון֙ וְדַ֣עַת וְחָכְמָ֔ה בִּשְׁאֹ֕ול אֲשֶׁ֥ר אַתָּ֖ה הֹלֵ֥ךְ שָֽׁמָּה׃ ס

kò̇֠l ʼàşě֨r ţi̇mĕẕá֧ʼ yáֽdĕká֛ laʻàşò֥̂wţ bĕ̇kòẖàká֖ ʻàşé֑̂h ki̇y֩ ʼé֨yn maʻàşê֤h wĕẖeşĕ̌bò̇wn֙ wĕda֣ʻaţ wĕẖákĕmá֔h bi̇şĕ̌ʼò֕wl ʼàşě֥r ʼaţá֖̇h hòlé֥kĕ şáֽ̌má̇h׃ s

11
שַׁ֜בְתִּי וְרָאֹ֣ה תַֽחַת־הַשֶּׁ֗מֶשׁ כִּ֣י לֹא֩ לַקַּלִּ֨ים הַמֵּרֹ֜וץ וְלֹ֧א לַגִּבֹּורִ֣ים הַמִּלְחָמָ֗ה וְ֠גַם לֹ֣א לַחֲכָמִ֥ים לֶ֨חֶם֙ וְגַ֨ם לֹ֤א לַנְּבֹנִים֙ עֹ֔שֶׁר וְגַ֛ם לֹ֥א לַיֹּדְעִ֖ים חֵ֑ן כִּי־עֵ֥ת וָפֶ֖גַע יִקְרֶ֥ה אֶת־כֻּלָּֽם׃

şǎ֜bĕţi̇y wĕráʼò֣h ţaֽẖaţ־haşė̌֗meş̌ ki֣̇y lòʼ֩ laqȧli̇֨ym hamé̇rò֜wẕ wĕlò֧ʼ lagi̇bò̇wri֣ym hami̇lĕẖámá֗h wĕ֠gam lò֣ʼ laẖàkámi֥ym le֨ẖem֙ wĕga֨m lò֤ʼ lanĕ̇bòniym֙ ʻò֔şěr wĕga֛m lò֥ʼ layò̇dĕʻi֖ym ẖé֑n ki̇y־ʻé֥ţ wápe֖gaʻ yiqĕre֥h ʼeţ־ku̇láֽ̇m׃

12
כִּ֡י גַּם֩ לֹֽא־יֵדַ֨ע הָאָדָ֜ם אֶת־עִתֹּ֗ו כַּדָּגִים֙ שֶׁנֶּֽאֱחָזִים֙ בִּמְצֹודָ֣ה רָעָ֔ה וְכַ֨צִּפֳּרִ֔ים הָאֲחֻזֹ֖ות בַּפָּ֑ח כָּהֵ֗ם יֽוּקָשִׁים֙ בְּנֵ֣י הָֽאָדָ֔ם לְעֵ֣ת רָעָ֔ה כְּשֶׁתִּפֹּ֥ול עֲלֵיהֶ֖ם פִּתְאֹֽם׃

ki̇֡y gȧm֩ lòֽʼ־yéda֨ʻ háʼádá֜m ʼeţ־ʻiţò̇֗w kȧdá̇giym֙ şěnėֽʼèẖáziym֙ bi̇mĕẕòwdá֣h ráʻá֔h wĕka֨ẕi̇pȯri֔ym háʼàẖuzò֖wţ bȧpá֑̇ẖ ká̇hé֗m yֽẇqáşǐym֙ bĕ̇né֣y háֽʼádá֔m lĕʻé֣ţ ráʻá֔h kĕ̇şěţi̇pò֥̇wl ʻàléyhe֖m pi̇ţĕʼòֽm׃

13
גַּם־זֹ֛ה רָאִ֥יתִי חָכְמָ֖ה תַּ֣חַת הַשָּׁ֑מֶשׁ וּגְדֹולָ֥ה הִ֖יא אֵלָֽי׃

gȧm־zò֛h ráʼi֥yţiy ẖákĕmá֖h ţȧ֣ẖaţ haşá֑̇̌meş̌ ẇgĕdòwlá֥h hi֖yʼ ʼéláֽy׃

14
עִ֣יר קְטַנָּ֔ה וַאֲנָשִׁ֥ים בָּ֖הּ מְעָ֑ט וּבָֽא־אֵלֶ֜יהָ מֶ֤לֶךְ גָּדֹול֙ וְסָבַ֣ב אֹתָ֔הּ וּבָנָ֥ה עָלֶ֖יהָ מְצֹודִ֥ים גְּדֹלִֽים׃

ʻi֣yr qĕtaná̇֔h waʼànáşǐ֥ym bá֖̇ḣ mĕʻá֑t ẇbáֽʼ־ʼéle֜yhá me֤lekĕ gá̇dòwl֙ wĕsába֣b ʼòţá֔ḣ ẇbáná֥h ʻále֖yhá mĕẕòwdi֥ym gĕ̇dòliֽym׃

15
וּמָ֣צָא בָ֗הּ אִ֤ישׁ מִסְכֵּן֙ חָכָ֔ם וּמִלַּט־ה֥וּא אֶת־הָעִ֖יר בְּחָכְמָתֹ֑ו וְאָדָם֙ לֹ֣א זָכַ֔ר אֶת־הָאִ֥ישׁ הַמִּסְכֵּ֖ן הַהֽוּא׃

ẇmá֣ẕáʼ bá֗ḣ ʼi֤yş̌ misĕké̇n֙ ẖáká֔m ẇmilȧt־h֥ẇʼ ʼeţ־háʻi֖yr bĕ̇ẖákĕmáţò֑w wĕʼádám֙ lò֣ʼ záka֔r ʼeţ־háʼi֥yş̌ hami̇sĕké֖̇n hahֽẇʼ׃

16
וְאָמַ֣רְתִּי אָ֔נִי טֹובָ֥ה חָכְמָ֖ה מִגְּבוּרָ֑ה וְחָכְמַ֤ת הַמִּסְכֵּן֙ בְּזוּיָ֔ה וּדְבָרָ֖יו אֵינָ֥ם נִשְׁמָעִֽים׃

wĕʼáma֣rĕţi̇y ʼá֔niy tòwbá֥h ẖákĕmá֖h migĕ̇bẇrá֑h wĕẖákĕma֤ţ hami̇sĕké̇n֙ bĕ̇zẇyá֔h ẇdĕbárá֖yw ʼéyná֥m nişĕ̌máʻiֽym׃

17
דִּבְרֵ֣י חֲכָמִ֔ים בְּנַ֖חַת נִשְׁמָעִ֑ים מִזַּעֲקַ֥ת מֹושֵׁ֖ל בַּכְּסִילִֽים׃

di̇bĕré֣y ẖàkámi֔ym bĕ̇na֖ẖaţ nişĕ̌máʻi֑ym mizȧʻàqa֥ţ mòwşé֖̌l bȧkĕ̇siyliֽym׃

18
טֹובָ֥ה חָכְמָ֖ה מִכְּלֵ֣י קְרָ֑ב וְחֹוטֶ֣א אֶחָ֔ד יְאַבֵּ֥ד טֹובָ֥ה הַרְבֵּֽה׃

tòwbá֥h ẖákĕmá֖h mikĕ̇lé֣y qĕrá֑b wĕẖòwte֣ʼ ʼeẖá֔d yĕʼabé֥̇d tòwbá֥h harĕbéֽ̇h׃