Bibles in ancient languages
Old translations
Modern translations

Biblia Hebraica Stuttgartiensia Song of Solomon 3

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
עַל־מִשְׁכָּבִי֙ בַּלֵּילֹ֔ות בִּקַּ֕שְׁתִּי אֵ֥ת שֶׁאָהֲבָ֖ה נַפְשִׁ֑י בִּקַּשְׁתִּ֖יו וְלֹ֥א מְצָאתִֽיו׃

ʻal־mişĕ̌ká̇biy֙ bȧlé̇ylò֔wţ bi̇qȧ֕şĕ̌ţi̇y ʼé֥ţ şěʼáhàbá֖h napĕşǐ֑y bi̇qȧşĕ̌ţi֖̇yw wĕlò֥ʼ mĕẕáʼţiֽyw׃

2
אָק֨וּמָה נָּ֜א וַאֲסֹובְבָ֣ה בָעִ֗יר בַּשְּׁוָקִים֙ וּבָ֣רְחֹבֹ֔ות אֲבַקְשָׁ֕ה אֵ֥ת שֶׁאָהֲבָ֖ה נַפְשִׁ֑י בִּקַּשְׁתִּ֖יו וְלֹ֥א מְצָאתִֽיו׃

ʼáq֨ẇmáh ná̇֜ʼ waʼàsòwbĕbá֣h báʻi֗yr bȧşĕ̇̌wáqiym֙ ẇbá֣rĕẖòbò֔wţ ʼàbaqĕşá̌֕h ʼé֥ţ şěʼáhàbá֖h napĕşǐ֑y bi̇qȧşĕ̌ţi֖̇yw wĕlò֥ʼ mĕẕáʼţiֽyw׃

3
מְצָא֨וּנִי֙ הַשֹּׁ֣מְרִ֔ים הַסֹּבְבִ֖ים בָּעִ֑יר אֵ֛ת שֶׁאָהֲבָ֥ה נַפְשִׁ֖י רְאִיתֶֽם׃

mĕẕáʼ֨ẇniy֙ haşò֣̇̌mĕri֔ym hasò̇bĕbi֖ym bá̇ʻi֑yr ʼé֛ţ şěʼáhàbá֥h napĕşǐ֖y rĕʼiyţeֽm׃

4
כִּמְעַט֙ שֶׁעָבַ֣רְתִּי מֵהֶ֔ם עַ֣ד שֶֽׁמָּצָ֔אתִי אֵ֥ת שֶׁאָהֲבָ֖ה נַפְשִׁ֑י אֲחַזְתִּיו֙ וְלֹ֣א אַרְפֶּ֔נּוּ עַד־שֶׁ֤הֲבֵיאתִיו֙ אֶל־בֵּ֣ית אִמִּ֔י וְאֶל־חֶ֖דֶר הֹורָתִֽי׃

ki̇mĕʻat֙ şěʻába֣rĕţi̇y méhe֔m ʻa֣d şěֽmá̇ẕá֔ʼţiy ʼé֥ţ şěʼáhàbá֖h napĕşǐ֑y ʼàẖazĕţi̇yw֙ wĕlò֣ʼ ʼarĕpė֔ṅẇ ʻad־şě֤hàbéyʼţiyw֙ ʼel־bé֣̇yţ ʼimi̇֔y wĕʼel־ẖe֖der hòwráţiֽy׃

5
הִשְׁבַּ֨עְתִּי אֶתְכֶ֜ם בְּנֹ֤ות יְרוּשָׁלִַ֨ם֙ בִּצְבָאֹ֔ות אֹ֖ו בְּאַיְלֹ֣ות הַשָּׂדֶ֑ה אִם־תָּעִ֧ירוּ׀ וְֽאִם־תְּעֹֽורְר֛וּ אֶת־הָאַהֲבָ֖ה עַ֥ד שֶׁתֶּחְפָּֽץ׃ ס

hişĕ̌bȧ֨ʻĕţi̇y ʼeţĕke֜m bĕ̇nò֤wţ yĕrẇşá̌lia֨m֙ bi̇ẕĕbáʼò֔wţ ʼò֖w bĕ̇ʼayĕlò֣wţ haşá̇̂de֑h ʼim־ţá̇ʻi֧yrẇ׀ wĕֽʼim־ţĕ̇ʻòֽwrĕr֛ẇ ʼeţ־háʼahàbá֖h ʻa֥d şěţėẖĕpáֽ̇ẕ׃ s

6
מִ֣י זֹ֗את עֹלָה֙ מִן־הַמִּדְבָּ֔ר כְּתִֽימֲרֹ֖ות עָשָׁ֑ן מְקֻטֶּ֤רֶת מֹור֙ וּלְבֹונָ֔ה מִכֹּ֖ל אַבְקַ֥ת רֹוכֵֽל׃

mi֣y zò֗ʼţ ʻòláh֙ min־hami̇dĕbá̇֔r kĕ̇ţiֽymàrò֖wţ ʻáşá֑̌n mĕqutė֤reţ mòwr֙ ẇlĕbòwná֔h mikò֖̇l ʼabĕqa֥ţ ròwkéֽl׃

7
הִנֵּ֗ה מִטָּתֹו֙ שֶׁלִּשְׁלֹמֹ֔ה שִׁשִּׁ֥ים גִּבֹּרִ֖ים סָבִ֣יב לָ֑הּ מִגִּבֹּרֵ֖י יִשְׂרָאֵֽל׃

hiné̇֗h mitá̇ţòw֙ şěli̇şĕ̌lòmò֔h şǐşi֥̇̌ym gi̇bò̇ri֖ym sábi֣yb lá֑ḣ migi̇bò̇ré֖y yişĕ̂ráʼéֽl׃

8
כֻּלָּם֙ אֲחֻ֣זֵי חֶ֔רֶב מְלֻמְּדֵ֖י מִלְחָמָ֑ה אִ֤ישׁ חַרְבֹּו֙ עַל־יְרֵכֹ֔ו מִפַּ֖חַד בַּלֵּילֹֽות׃ ס

ku̇lá̇m֙ ʼàẖu֣zéy ẖe֔reb mĕlumĕ̇dé֖y milĕẖámá֑h ʼi֤yş̌ ẖarĕbò̇w֙ ʻal־yĕrékò֔w mipȧ֖ẖad bȧlé̇ylòֽwţ׃ s

9
אַפִּרְיֹ֗ון עָ֤שָׂה לֹו֙ הַמֶּ֣לֶךְ שְׁלֹמֹ֔ה מֵעֲצֵ֖י הַלְּבָנֹֽון׃

ʼapi̇rĕyò֗wn ʻá֤şá̂h lòw֙ hamė֣lekĕ şĕ̌lòmò֔h méʻàẕé֖y halĕ̇bánòֽwn׃

10
עַמּוּדָיו֙ עָ֣שָׂה כֶ֔סֶף רְפִידָתֹ֣ו זָהָ֔ב מֶרְכָּבֹ֖ו אַרְגָּמָ֑ן תֹּוכֹו֙ רָצ֣וּף אַהֲבָ֔ה מִבְּנֹ֖ות יְרוּשָׁלִָֽם׃

ʻaṁẇdáyw֙ ʻá֣şá̂h ke֔sep rĕpiydáţò֣w záhá֔b merĕká̇bò֖w ʼarĕgá̇má֑n ţò̇wkòw֙ ráẕ֣ẇp ʼahàbá֔h mibĕ̇nò֖wţ yĕrẇşá̌láֽim׃

11
צְאֶ֧ינָה׀ וּֽרְאֶ֛ינָה בְּנֹ֥ות צִיֹּ֖ון בַּמֶּ֣לֶךְ שְׁלֹמֹ֑ה בָּעֲטָרָ֗ה שֶׁעִטְּרָה־לֹּ֤ו אִמֹּו֙ בְּיֹ֣ום חֲתֻנָּתֹ֔ו וּבְיֹ֖ום שִׂמְחַ֥ת לִבֹּֽו׃ ס

ẕĕʼe֧ynáh׀ ẇֽrĕʼe֛ynáh bĕ̇nò֥wţ ẕiyò֖̇wn bȧmė֣lekĕ şĕ̌lòmò֑h bá̇ʻàtárá֗h şěʻitĕ̇ráh־lò֤̇w ʼimò̇w֙ bĕ̇yò֣wm ẖàţuná̇ţò֔w ẇbĕyò֖wm şîmĕẖa֥ţ libòֽ̇w׃ s