Bibles in ancient languages
Old translations
Modern translations

Biblia Hebraica Stuttgartensia 1 Rois 10:27

Torah
Earlier Prophets (Neviim Rishonim)
Writings
Later Prophets (Neviim Aharonim)
Chapter
Verses
1
וּמַֽלְכַּת־שְׁבָ֗א שֹׁמַ֛עַת אֶת־שֵׁ֥מַע שְׁלֹמֹ֖ה לְשֵׁ֣ם יְהוָ֑ה וַתָּבֹ֥א לְנַסֹּתֹ֖ו בְּחִידֹֽות׃

ẇmaֽlĕkȧţ־şĕ̌bá֗ʼ şò̌ma֛ʻaţ ʼeţ־şé֥̌maʻ şĕ̌lòmò֖h lĕşé֣̌m yĕhwá֑h waţá̇bò֥ʼ lĕnasò̇ţò֖w bĕ̇ẖiydòֽwţ׃

2
וַתָּבֹ֣א יְרוּשָׁלְַ֗מָה בְּחַיִל֮ כָּבֵ֣ד מְאֹד֒ גְּ֠מַלִּים נֹשְׂאִ֨ים בְּשָׂמִ֧ים וְזָהָ֛ב רַב־מְאֹ֖ד וְאֶ֣בֶן יְקָרָ֑ה וַתָּבֹא֙ אֶל־שְׁלֹמֹ֔ה וַתְּדַבֵּ֣ר אֵלָ֔יו אֵ֛ת כָּל־אֲשֶׁ֥ר הָיָ֖ה עִם־לְבָבָֽהּ׃

waţá̇bò֣ʼ yĕrẇşá̌lĕa֗máh bĕ̇ẖayil֮ ká̇bé֣d mĕʼòd֒ gĕ̇֠mali̇ym nòşĕ̂ʼi֨ym bĕ̇şá̂mi֧ym wĕzáhá֛b rab־mĕʼò֖d wĕʼe֣ben yĕqárá֑h waţá̇bòʼ֙ ʼel־şĕ̌lòmò֔h waţĕ̇dabé֣̇r ʼélá֔yw ʼé֛ţ ká̇l־ʼàşě֥r háyá֖h ʻim־lĕbábáֽḣ׃

3
וַיַּגֶּד־לָ֥הּ שְׁלֹמֹ֖ה אֶת־כָּל־דְּבָרֶ֑יהָ לֹֽא־הָיָ֤ה דָּבָר֙ נֶעְלָ֣ם מִן־הַמֶּ֔לֶךְ אֲשֶׁ֧ר לֹ֦א הִגִּ֖יד לָֽהּ׃

wayȧgėd־lá֥ḣ şĕ̌lòmò֖h ʼeţ־ká̇l־dĕ̇báre֑yhá lòֽʼ־háyá֤h dá̇bár֙ neʻĕlá֣m min־hamė֔lekĕ ʼàşě֧r lò֦ʼ higi֖̇yd láֽḣ׃

4
וַתֵּ֨רֶא֙ מַֽלְכַּת־שְׁבָ֔א אֵ֖ת כָּל־חָכְמַ֣ת שְׁלֹמֹ֑ה וְהַבַּ֖יִת אֲשֶׁ֥ר בָּנָֽה׃

waţé̇֨reʼ֙ maֽlĕkȧţ־şĕ̌bá֔ʼ ʼé֖ţ ká̇l־ẖákĕma֣ţ şĕ̌lòmò֑h wĕhabȧ֖yiţ ʼàşě֥r bá̇náֽh׃

5
וּמַאֲכַ֣ל שֻׁלְחָנֹ֡ו וּמֹושַׁ֣ב עֲבָדָיו֩ וּמַעֲמַ֨ד מְשָׁרְתֹו וּמַלְבֻּֽשֵׁיהֶם֙ וּמַשְׁקָ֔יו וְעֹ֣לָתֹ֔ו אֲשֶׁ֥ר יַעֲלֶ֖ה בֵּ֣ית יְהוָ֑ה וְלֹא־הָ֥יָה בָ֛הּ עֹ֖וד רֽוּחַ׃

ẇmaʼàka֣l şǔlĕẖánò֡w ẇmòwşǎ֣b ʻàbádáyw֩ ẇmaʻàma֨d mĕşá̌rĕţòw ẇmalĕbuֽ̇şé̌yhem֙ ẇmaşĕ̌qá֔yw wĕʻò֣láţò֔w ʼàşě֥r yaʻàle֖h bé֣̇yţ yĕhwá֑h wĕlòʼ־há֥yáh bá֛ḣ ʻò֖wd rֽẇẖa׃

6
וַתֹּ֨אמֶר֙ אֶל־הַמֶּ֔לֶךְ אֱמֶת֙ הָיָ֣ה הַדָּבָ֔ר אֲשֶׁ֥ר שָׁמַ֖עְתִּי בְּאַרְצִ֑י עַל־דְּבָרֶ֖יךָ וְעַל־חָכְמָתֶֽךָ׃

waţò̇֨ʼmer֙ ʼel־hamė֔lekĕ ʼèmeţ֙ háyá֣h hadá̇bá֔r ʼàşě֥r şá̌ma֖ʻĕţi̇y bĕ̇ʼarĕẕi֑y ʻal־dĕ̇báre֖yká wĕʻal־ẖákĕmáţeֽká׃

7
וְלֹֽא־הֶאֱמַ֣נְתִּי לַדְּבָרִ֗ים עַ֤ד אֲשֶׁר־בָּ֨אתִי֙ וַתִּרְאֶ֣ינָה עֵינַ֔י וְהִנֵּ֥ה לֹֽא־הֻגַּד־לִ֖י הַחֵ֑צִי הֹוסַ֤פְתָּ חָכְמָה֙ וָטֹ֔וב אֶל־הַשְּׁמוּעָ֖ה אֲשֶׁ֥ר שָׁמָֽעְתִּי׃

wĕlòֽʼ־heʼèma֣nĕţi̇y ladĕ̇bári֗ym ʻa֤d ʼàşěr־bá̇֨ʼţiy֙ waţi̇rĕʼe֣ynáh ʻéyna֔y wĕhiné֥̇h lòֽʼ־hugȧd־li֖y haẖé֑ẕiy hòwsa֤pĕţá̇ ẖákĕmáh֙ wátò֔wb ʼel־haşĕ̇̌mẇʻá֖h ʼàşě֥r şá̌máֽʻĕţi̇y׃

8
אַשְׁרֵ֣י אֲנָשֶׁ֔יךָ אַשְׁרֵ֖י עֲבָדֶ֣יךָ אֵ֑לֶּה הָֽעֹמְדִ֤ים לְפָנֶ֨יךָ֙ תָּמִ֔יד הַשֹּׁמְעִ֖ים אֶת־חָכְמָתֶֽךָ׃

ʼaşĕ̌ré֣y ʼànáşě֔yká ʼaşĕ̌ré֖y ʻàbáde֣yká ʼé֑lėh háֽʻòmĕdi֤ym lĕpáne֨yká֙ ţá̇mi֔yd haşò̇̌mĕʻi֖ym ʼeţ־ẖákĕmáţeֽká׃

9
יְהִ֨י יְהוָ֤ה אֱלֹהֶ֨יךָ֙ בָּר֔וּךְ אֲשֶׁר֙ חָפֵ֣ץ בְּךָ֔ לְתִתְּךָ֖ עַל־כִּסֵּ֣א יִשְׂרָאֵ֑ל בְּאַהֲבַ֨ת יְהוָ֤ה אֶת־יִשְׂרָאֵל֙ לְעֹלָ֔ם וַיְשִֽׂימְךָ֣ לְמֶ֔לֶךְ לַעֲשֹׂ֥ות מִשְׁפָּ֖ט וּצְדָקָֽה׃

yĕhi֨y yĕhwá֤h ʼèlòhe֨yká֙ bá̇r֔ẇkĕ ʼàşěr֙ ẖápé֣ẕ bĕ̇ká֔ lĕţiţĕ̇ká֖ ʻal־ki̇sé֣̇ʼ yişĕ̂ráʼé֑l bĕ̇ʼahàba֨ţ yĕhwá֤h ʼeţ־yişĕ̂ráʼél֙ lĕʻòlá֔m wayĕşîֽymĕká֣ lĕme֔lekĕ laʻàşò֥̂wţ mişĕ̌pá֖̇t ẇẕĕdáqáֽh׃

10
וַתִּתֵּ֨ן לַמֶּ֜לֶךְ מֵאָ֥ה וְעֶשְׂרִ֣ים׀ כִּכַּ֣ר זָהָ֗ב וּבְשָׂמִ֛ים הַרְבֵּ֥ה מְאֹ֖ד וְאֶ֣בֶן יְקָרָ֑ה לֹא־בָא֩ כַבֹּ֨שֶׂם הַה֥וּא עֹוד֙ לָרֹ֔ב אֲשֶׁר־נָתְנָ֥ה מַֽלְכַּת־שְׁבָ֖א לַמֶּ֥לֶךְ שְׁלֹמֹֽה׃

waţi̇ţé̇֨n lamė֜lekĕ méʼá֥h wĕʻeşĕ̂ri֣ym׀ ki̇kȧ֣r záhá֗b ẇbĕşá̂mi֛ym harĕbé֥̇h mĕʼò֖d wĕʼe֣ben yĕqárá֑h lòʼ־báʼ֩ kabò̇֨şêm hah֥ẇʼ ʻòwd֙ lárò֔b ʼàşěr־náţĕná֥h maֽlĕkȧţ־şĕ̌bá֖ʼ lamė֥lekĕ şĕ̌lòmòֽh׃

11
וְגַם֙ אֳנִ֣י חִירָ֔ם אֲשֶׁר־נָשָׂ֥א זָהָ֖ב מֵאֹופִ֑יר הֵבִ֨יא מֵאֹפִ֜יר עֲצֵ֧י אַלְמֻגִּ֛ים הַרְבֵּ֥ה מְאֹ֖ד וְאֶ֥בֶן יְקָרָֽה׃

wĕgam֙ ʼoni֣y ẖiyrá֔m ʼàşěr־náşá֥̂ʼ záhá֖b méʼòwpi֑yr hébi֨yʼ méʼòpi֜yr ʻàẕé֧y ʼalĕmugi֛̇ym harĕbé֥̇h mĕʼò֖d wĕʼe֥ben yĕqáráֽh׃

12
וַיַּ֣עַשׂ הַ֠מֶּלֶךְ אֶת־עֲצֵ֨י הָאַלְמֻגִּ֜ים מִסְעָ֤ד לְבֵית־יְהוָה֙ וּלְבֵ֣ית הַמֶּ֔לֶךְ וְכִנֹּרֹ֥ות וּנְבָלִ֖ים לַשָּׁרִ֑ים לֹ֣א בָֽא־כֵ֞ן עֲצֵ֤י אַלְמֻגִּים֙ וְלֹ֣א נִרְאָ֔ה עַ֖ד הַיֹּ֥ום הַזֶּֽה׃

wayȧ֣ʻaş̂ ha֠mėlekĕ ʼeţ־ʻàẕé֨y háʼalĕmugi̇֜ym misĕʻá֤d lĕbéyţ־yĕhwáh֙ ẇlĕbé֣yţ hamė֔lekĕ wĕkinò̇rò֥wţ ẇnĕbáli֖ym laşá̇̌ri֑ym lò֣ʼ báֽʼ־ké֞n ʻàẕé֤y ʼalĕmugi̇ym֙ wĕlò֣ʼ nirĕʼá֔h ʻa֖d hayò֥̇wm hazėֽh׃

13
וְהַמֶּ֨לֶךְ שְׁלֹמֹ֜ה נָתַ֣ן לְמַֽלְכַּת־שְׁבָ֗א אֶת־כָּל־חֶפְצָהּ֙ אֲשֶׁ֣ר שָׁאָ֔לָה מִלְּבַד֙ אֲשֶׁ֣ר נָֽתַן־לָ֔הּ כְּיַ֖ד הַמֶּ֣לֶךְ שְׁלֹמֹ֑ה וַתֵּ֛פֶן וַתֵּ֥לֶךְ לְאַרְצָ֖הּ הִ֥יא וַעֲבָדֶֽיהָ׃ ס

wĕhamė֨lekĕ şĕ̌lòmò֜h náţa֣n lĕmaֽlĕkȧţ־şĕ̌bá֗ʼ ʼeţ־ká̇l־ẖepĕẕáḣ֙ ʼàşě֣r şá̌ʼá֔láh milĕ̇bad֙ ʼàşě֣r náֽţan־lá֔ḣ kĕ̇ya֖d hamė֣lekĕ şĕ̌lòmò֑h waţé֛̇pen waţé֥̇lekĕ lĕʼarĕẕá֖ḣ hi֥yʼ waʻàbádeֽyhá׃ s

14
וַֽיְהִי֙ מִשְׁקַ֣ל הַזָּהָ֔ב אֲשֶׁר־בָּ֥א לִשְׁלֹמֹ֖ה בְּשָׁנָ֣ה אֶחָ֑ת שֵׁ֥שׁ מֵאֹ֛ות שִׁשִּׁ֥ים וָשֵׁ֖שׁ כִּכַּ֥ר זָהָֽב׃

waֽyĕhiy֙ mişĕ̌qa֣l hazá̇há֔b ʼàşěr־bá֥̇ʼ lişĕ̌lòmò֖h bĕ̇şá̌ná֣h ʼeẖá֑ţ şé֥̌ş̌ méʼò֛wţ şǐşi֥̇̌ym wáşé֖̌ş̌ ki̇kȧ֥r záháֽb׃

15
לְבַד֙ מֵאַנְשֵׁ֣י הַתָּרִ֔ים וּמִסְחַ֖ר הָרֹכְלִ֑ים וְכָל־מַלְכֵ֥י הָעֶ֖רֶב וּפַחֹ֥ות הָאָֽרֶץ׃

lĕbad֙ méʼanĕşé֣̌y haţá̇ri֔ym ẇmisĕẖa֖r háròkĕli֑ym wĕkál־malĕké֥y háʻe֖reb ẇpaẖò֥wţ háʼáֽreẕ׃

16
וַיַּ֨עַשׂ הַמֶּ֧לֶךְ שְׁלֹמֹ֛ה מָאתַ֥יִם צִנָּ֖ה זָהָ֣ב שָׁח֑וּט שֵׁשׁ־מֵאֹ֣ות זָהָ֔ב יַעֲלֶ֖ה עַל־הַצִּנָּ֥ה הָאֶחָֽת׃

wayȧ֨ʻaş̂ hamė֧lekĕ şĕ̌lòmò֛h máʼţa֥yim ẕiná֖̇h záhá֣b şá̌ẖ֑ẇt şé̌ş̌־méʼò֣wţ záhá֔b yaʻàle֖h ʻal־haẕi̇ná֥̇h háʼeẖáֽţ׃

17
וּשְׁלֹשׁ־מֵאֹ֤ות מָֽגִנִּים֙ זָהָ֣ב שָׁח֔וּט שְׁלֹ֤שֶׁת מָנִים֙ זָהָ֔ב יַעֲלֶ֖ה עַל־הַמָּגֵ֣ן הָאֶחָ֑ת וַיִּתְּנֵ֣ם הַמֶּ֔לֶךְ בֵּ֖ית יַ֥עַר הַלְּבָנֹֽון׃ פ

ẇşĕ̌lòş̌־méʼò֤wţ máֽgini̇ym֙ záhá֣b şá̌ẖ֔ẇt şĕ̌lò֤şěţ mániym֙ záhá֔b yaʻàle֖h ʻal־hamá̇gé֣n háʼeẖá֑ţ wayi̇ţĕ̇né֣m hamė֔lekĕ bé֖̇yţ ya֥ʻar halĕ̇bánòֽwn׃ p

18
וַיַּ֧עַשׂ הַמֶּ֛לֶךְ כִּסֵּא־שֵׁ֖ן גָּדֹ֑ול וַיְצַפֵּ֖הוּ זָהָ֥ב מוּפָֽז׃

wayȧ֧ʻaş̂ hamė֛lekĕ ki̇sé̇ʼ־şé֖̌n gá̇dò֑wl wayĕẕapé֖̇hẇ záhá֥b mẇpáֽz׃

19
שֵׁ֧שׁ מַעֲלֹ֣ות לַכִּסֵּ֗ה וְרֹאשׁ־עָגֹ֤ל לַכִּסֵּה֙ מֵאַֽחֲרָ֔יו וְיָדֹ֛ת מִזֶּ֥ה וּמִזֶּ֖ה אֶל־מְקֹ֣ום הַשָּׁ֑בֶת וּשְׁנַ֣יִם אֲרָיֹ֔ות עֹמְדִ֖ים אֵ֥צֶל הַיָּדֹֽות׃

şé֧̌ş̌ maʻàlò֣wţ laki̇sé̇֗h wĕròʼş̌־ʻágò֤l laki̇sé̇h֙ méʼaֽẖàrá֔yw wĕyádò֛ţ mizė֥h ẇmizė֖h ʼel־mĕqò֣wm haşá֑̇̌beţ ẇşĕ̌na֣yim ʼàráyò֔wţ ʻòmĕdi֖ym ʼé֥ẕel hayá̇dòֽwţ׃

20
וּשְׁנֵ֧ים עָשָׂ֣ר אֲרָיִ֗ים עֹמְדִ֥ים שָׁ֛ם עַל־שֵׁ֥שׁ הַֽמַּעֲלֹ֖ות מִזֶּ֣ה וּמִזֶּ֑ה לֹֽא־נַעֲשָׂ֥ה כֵ֖ן לְכָל־מַמְלָכֹֽות׃

ẇşĕ̌né֧ym ʻáşá֣̂r ʼàráyi֗ym ʻòmĕdi֥ym şá֛̌m ʻal־şé֥̌ş̌ haֽmȧʻàlò֖wţ mizė֣h ẇmizė֑h lòֽʼ־naʻàşá֥̂h ké֖n lĕkál־mamĕlákòֽwţ׃

21
וְ֠כֹל כְּלֵ֞י מַשְׁקֵ֨ה הַמֶּ֤לֶךְ שְׁלֹמֹה֙ זָהָ֔ב וְכֹ֗ל כְּלֵ֛י בֵּֽית־יַ֥עַר הַלְּבָנֹ֖ון זָהָ֣ב סָג֑וּר אֵ֣ין כֶּ֗סֶף לֹ֥א נֶחְשָׁ֛ב בִּימֵ֥י שְׁלֹמֹ֖ה לִמְאֽוּמָה׃

wĕ֠kòl kĕ̇lé֞y maşĕ̌qé֨h hamė֤lekĕ şĕ̌lòmòh֙ záhá֔b wĕkò֗l kĕ̇lé֛y béֽ̇yţ־ya֥ʻar halĕ̇bánò֖wn záhá֣b ság֑ẇr ʼé֣yn kė֗sep lò֥ʼ neẖĕşá֛̌b bi̇ymé֥y şĕ̌lòmò֖h limĕʼֽẇmáh׃

22
כִּי֩ אֳנִ֨י תַרְשִׁ֤ישׁ לַמֶּ֨לֶךְ֙ בַּיָּ֔ם עִ֖ם אֳנִ֣י חִירָ֑ם אַחַת֩ לְשָׁלֹ֨שׁ שָׁנִ֜ים תָּבֹ֣וא׀ אֳנִ֣י תַרְשִׁ֗ישׁ נֹֽשְׂאֵת֙ זָהָ֣ב וָכֶ֔סֶף שֶׁנְהַבִּ֥ים וְקֹפִ֖ים וְתֻכִּיִּֽים׃

ki̇y֩ ʼoni֨y ţarĕşǐ֤yş̌ lamė֨lekĕ֙ bȧyá̇֔m ʻi֖m ʼoni֣y ẖiyrá֑m ʼaẖaţ֩ lĕşá̌lò֨ş̌ şá̌ni֜ym ţá̇bò֣wʼ׀ ʼoni֣y ţarĕşǐ֗yş̌ nòֽşĕ̂ʼéţ֙ záhá֣b wáke֔sep şěnĕhabi֥̇ym wĕqòpi֖ym wĕţuki̇yiֽ̇ym׃

23
וַיִּגְדַּל֙ הַמֶּ֣לֶךְ שְׁלֹמֹ֔ה מִכֹּ֖ל מַלְכֵ֣י הָאָ֑רֶץ לְעֹ֖שֶׁר וּלְחָכְמָֽה׃

wayi̇gĕdȧl֙ hamė֣lekĕ şĕ̌lòmò֔h mikò֖̇l malĕké֣y háʼá֑reẕ lĕʻò֖şěr ẇlĕẖákĕmáֽh׃

24
וְכָ֨ל־הָאָ֔רֶץ מְבַקְשִׁ֖ים אֶת־פְּנֵ֣י שְׁלֹמֹ֑ה לִשְׁמֹ֨עַ֙ אֶת־חָכְמָתֹ֔ו אֲשֶׁר־נָתַ֥ן אֱלֹהִ֖ים בְּלִבֹּֽו׃

wĕká֨l־háʼá֔reẕ mĕbaqĕşǐ֖ym ʼeţ־pĕ̇né֣y şĕ̌lòmò֑h lişĕ̌mò֨ʻa֙ ʼeţ־ẖákĕmáţò֔w ʼàşěr־náţa֥n ʼèlòhi֖ym bĕ̇libòֽ̇w׃

25
וְהֵ֣מָּה מְבִאִ֣ים אִ֣ישׁ מִנְחָתֹ֡ו כְּלֵ֣י כֶסֶף֩ וּכְלֵ֨י זָהָ֤ב וּשְׂלָמֹות֙ וְנֵ֣שֶׁק וּבְשָׂמִ֔ים סוּסִ֖ים וּפְרָדִ֑ים דְּבַר־שָׁנָ֖ה בְּשָׁנָֽה׃ ס

wĕhé֣má̇h mĕbiʼi֣ym ʼi֣yş̌ minĕẖáţò֡w kĕ̇lé֣y kesep֩ ẇkĕlé֨y záhá֤b ẇşĕ̂lámòwţ֙ wĕné֣şěq ẇbĕşá̂mi֔ym sẇsi֖ym ẇpĕrádi֑ym dĕ̇bar־şá̌ná֖h bĕ̇şá̌náֽh׃ s

26
וַיֶּאֱסֹ֣ף שְׁלֹמֹה֮ רֶ֣כֶב וּפָרָשִׁים֒ וַיְהִי־לֹ֗ו אֶ֤לֶף וְאַרְבַּע־מֵאֹות֙ רֶ֔כֶב וּשְׁנֵים־עָשָׂ֥ר אֶ֖לֶף פָּֽרָשִׁ֑ים וַיַּנְחֵם֙ בְּעָרֵ֣י הָרֶ֔כֶב וְעִם־הַמֶּ֖לֶךְ בִּירוּשָׁלִָֽם׃

wayėʼèsò֣p şĕ̌lòmòh֮ re֣keb ẇpáráşǐym֒ wayĕhiy־lò֗w ʼe֤lep wĕʼarĕbȧʻ־méʼòwţ֙ re֔keb ẇşĕ̌néym־ʻáşá֥̂r ʼe֖lep páֽ̇ráşǐ֑ym wayȧnĕẖém֙ bĕ̇ʻáré֣y háre֔keb wĕʻim־hamė֖lekĕ bi̇yrẇşá̌láֽim׃

27
וַיִּתֵּ֨ן הַמֶּ֧לֶךְ אֶת־הַכֶּ֛סֶף בִּירוּשָׁלִַ֖ם כָּאֲבָנִ֑ים וְאֵ֣ת הָאֲרָזִ֗ים נָתַ֛ן כַּשִּׁקְמִ֥ים אֲשֶׁר־בַּשְּׁפֵלָ֖ה לָרֹֽב׃

wayi̇ţé̇֨n hamė֧lekĕ ʼeţ־hakė֛sep bi̇yrẇşá̌lia֖m ká̇ʼàbáni֑ym wĕʼé֣ţ háʼàrázi֗ym náţa֛n kȧşi̇̌qĕmi֥ym ʼàşěr־bȧşĕ̇̌pélá֖h láròֽb׃

28
וּמֹוצָ֧א הַסּוּסִ֛ים אֲשֶׁ֥ר לִשְׁלֹמֹ֖ה מִמִּצְרָ֑יִם וּמִקְוֵ֕ה סֹחֲרֵ֣י הַמֶּ֔לֶךְ יִקְח֥וּ מִקְוֵ֖ה בִּמְחִֽיר׃

ẇmòwẕá֧ʼ haṡẇsi֛ym ʼàşě֥r lişĕ̌lòmò֖h mimi̇ẕĕrá֑yim ẇmiqĕwé֕h sòẖàré֣y hamė֔lekĕ yiqĕẖ֥ẇ miqĕwé֖h bi̇mĕẖiֽyr׃

29
וַֽ֠תַּעֲלֶה וַתֵּצֵ֨א מֶרְכָּבָ֤ה מִמִּצְרַ֨יִם֙ בְּשֵׁ֣שׁ מֵאֹ֣ות כֶּ֔סֶף וְס֖וּס בַּחֲמִשִּׁ֣ים וּמֵאָ֑ה וְ֠כֵן לְכָל־מַלְכֵ֧י הַחִתִּ֛ים וּלְמַלְכֵ֥י אֲרָ֖ם בְּיָדָ֥ם יֹצִֽאוּ׃ פ

waֽ֠ţȧʻàleh waţé̇ẕé֨ʼ merĕká̇bá֤h mimi̇ẕĕra֨yim֙ bĕ̇şé֣̌ş̌ méʼò֣wţ kė֔sep wĕs֖ẇs bȧẖàmişi֣̇̌ym ẇméʼá֑h wĕ֠kén lĕkál־malĕké֧y haẖiţi֛̇ym ẇlĕmalĕké֥y ʼàrá֖m bĕ̇yádá֥m yòẕiֽʼẇ׃ p